 |
 |
|
|
පාරිසරික ආරක්ෂණ බලපත්‍රයක් යනු කුමක්ද?
පාරිසරික ආරක්ෂණ බලපත්‍රය, වර්ෂ 1988 අංක 56 දරන පනතින් සහ වර්ෂ 2000 අංක 53 දරණ පනතින් සංශෝධනය කරන ලද වර්ෂ 1980 අංක 47 දරන ජාතික පාරිසරික පනත යටතේ බලාත්මක කරන ලද නෛතික ලියවිල්ලකි.
පාරිසරික ආරක්ෂණ බලපත්‍රයේ අරමුණු
නියමිත කටයුතු / කර්මාන්තයන්හි ක්‍රියාකාරීත්වය ඉහත සඳහන් අරමුණුවලට අනුකූලවන ලෙස ඉටු කර තිබේ නම්, අදාල බලයලත් අධිකාරිය විසින් පාරිසරික ආරක්ෂණ බලපත්‍රය ලබා දීමට තීරණය කරනු ලබයි.
ප්‍රමිතීන් සහ කොන්දේසි
ජාතික පාරිසරික පනතේ 23- අ කොටස යටතේ විශේෂයෙන් දක්වා ඇති පරිදි පරිසර ආරක්ෂණ බලපත්‍රයකින් අවසරලත් අවස්ථාවක හැර කිසිදු පුද්ගලයෙකු විසින් පනතේ විස්තර කර ඇති කිසිදු ක්‍රියාකාරකමක නිරත නොවිය යුතුය.
අපජලය බැහැර කිරීම සඳහා වන ප්‍රමිතීන් සහ කොන්දේසි
අප-ජලය බැහැර කිරීම සඳහා වන ප්‍රමිතීන් සහ කොන්දේසි 2008.02.01 දිනැති අංක 1534/18 දරණ ගැසට් නිවේදනයෙහි 2008 අංක 1 දරන ජාතික පාරිසරික (ආරක්ෂණ හා තත්ත්ව) රෙගුලාසි යටතේ දක්වා ඇත.
ජාතික පාරිසරික (ඝෝෂා පාලන) රෙගුලාසි
කර්මාන්තශාලා මගින් බාධාකාරී ලෙස ශබ්දය නිකුත් කිරීම පාලනය කිරීම සඳහා 1996 අංක 1 දරණ ජාතික පාරිසරික (ඝෝෂා පාලන) රෙගුලාසි, 1996.05.23 දින අංක 924/12 දරන ගැසට් නිවේදනය මගින් හඳුන්වා දී ඇත. 1996 ජාතික පාරිසරික (ශබ්ද පාලන) රෙගුලාසි
කම්පන උත්පාදක ක්‍රියාකාරකම් සඳහා අන්තර් කම්පන පාලන ප්‍රමිතීන්
පහත දක්වා ඇති කම්පන උත්පාදක ක්‍රියාකාරකම් සඳහා අන්තර් කම්පන පාලන ප්‍රමිතීන් හඳුන්වා දෙනු ලැබ ඇත. මෙම අන්තර් කම්පන පාලන ප්‍රමිතීන් අදාල කම්පන උත්පාදක ක්‍රියාකාරකම් සඳහා අවසාන කම්පන පාලන ප්‍රමිතීන් ගැසට් නිවේදනයක් මගින් දන්වන තෙක් වලංගු වේ.
යාන්ත්‍රික ක්‍රියාකාරකම්, ඉදිකිරීම් කටයුතු සහ රථවාහන ගමනාගමනය සඳහා වන අතුරු කම්පන පාලන ප්‍රමිතීන්
පීඩනය හේතුවෙන් සිදුවන වා-පිපිරුම් සහ භෞමික පිපිරුම් වල දී ඇති වන කම්පනයන් සඳහා වන අතුරු පාලන ප්‍රමිතීන්
පරිහරණය කිරීමට නුසුදුසු ගොඩනැගිලි සඳහා වන ප්‍රමිතීන්
සටහන :
ග්‍රාහක පරිසරයේ ආරක්ෂාව සඳහා යම්කිසි කර්මාන්තයක්, ක්‍රියාකාරකමක් හෝ ක්‍රියාදාමයක් මත දැනට පනවා ඇති ප්‍රමිතීන් සහ කොන්දේසි වලට අමතරව දැඩි ප්‍රමිතීන් සහ කොන්දේසි පැනවීමේ හැකියාව මධ්‍යම පරිසර අධිකාරිය සතුව පවතී.
පාරිසරික ආරක්ෂණ බලපත්‍රයක් නිකුත් කිරීමේ ක්‍රියාවලිය
පාරිසරික ආරක්ෂණ බලපත්‍රයක් ලබා ගත යුතු නියමිත කර්මාන්ත /ක්‍රියාකාරකම්
පාරිසරික ආරක්ෂණ බලපත්‍රයක් ලබා ගත යුතු කර්මාන්ත සහ කර්මාන්ත ක්‍රියාකාරකම් 2008.01.25 දිනැති අංක 1533/16 දරන ගැසට් නිවේදනයෙහි දක්වා තිබේ. සියළුම කර්මාන්ත ඒවායෙන් සිදුවිය හැකි පරිසර දූෂණය අනුව “අ”, “ආ”සහ “ඇ” ලෙස කාණ්ඩ 3කට වර්ග කර දක්වා ඇත.
සාපේක්ෂ වශයෙන් ඉතා ඉහළ පරිසර දූෂණයක් සිදු කෙරෙන මහා පරිමාණ දූෂකාරක කර්මාන්ත සහ ක්‍රියාකාරකම් 80ක් “අ” කාණ්ඩය යටතේ දක්වා ඇත. “ආ” කාණ්ඩය යටතේ දක්වා ඇත්තේ සාපේක්ෂව මධ්‍යම ප්‍රමාණයේ පරිසර දූෂණයක් සිදු කෙරෙන මධ්‍ය පරිමාණ දූෂකාරක කර්මාන්ත ක්‍රියාකාරකම් 33කි. මෙම “අ” සහ “ආ” කාණ්ඩ වලට අයත් කර්මාන්ත ක්‍රියාකාරකම් සඳහා අවශ්‍ය පාරිසරික ආරක්ෂණ බලපත්‍ර, මධ්‍යම පරිසර අධිකාරියේ අදාල පළාත් සහ දිස්ත්‍රික් කාර්යාල වෙතින් ලබා ගත යුතු වේ.
“ඇ” කාණ්ඩය යටතේ දක්වා ඇත්තේ සුළු පරිමාණ පරිසර දුෂණයක් සිදු කෙරෙන සුළු පරිමාණ දූෂකාරක කර්මාන්ත ක්‍රියාකාරකම් 25 කි. මෙම වර්ග කර ඇති කර්මාන්ත ක්‍රියාකාරකම් සඳහා පාරිසරික ආරක්ෂණ බලපත්‍ර අදාල පළාත් පාලන ආයතනය වෙතින් ලබා ගත යුතු වේ. මෙම පළාත් පාලන ආයතන මඟින් පාරිසරික ආරක්ෂණ බලපත්‍ර නිකුත් කිරීම, උපදේශනය, පසු විපරම් කටයුතු සහ නීතිමය ක්‍රියාමාර්ග ගැනීම වැනි කටයුතු සිදු කෙරේ.
පාරිසරික ආරක්ෂණ බලපත්‍රයක වලංගු කාල සීමාව
පාරිසරික ආරක්ෂණ බලපත්‍රයක් නිකුත් කිරීමේ ක්‍රියාවලිය (“අ”, “ආ” හා “ඇ” කාණ්ඩ සඳහා)
ශ්‍රී ලංකා ආයෝජන මණ්ඩලයේ ලියාපදිංචි නොවූ කර්මාන්ත ක්‍රියාකාරකම් සඳහා පාරිසරික ආරක්ෂණ බලපත්‍රයක් නිකුත් කිරීමේ ක්‍රියාවලිය (“අ”, “ආ” හා “ඇ” කාණ්ඩ සඳහා)
2008.01.25 දිනැති අංක 1533/16 දරණ ගැසට් නිවේදනයෙහි සඳහන් පරිදි “අ” හා “ආ” කාණ්ඩ යටතේ වර්ගීකරණය කරන ලද කර්මාන්ත සඳහා පාරිසරික ආරක්ෂණ බලපත්‍ර නිකුත් කිරීම මධ්‍යම පරිසර අධිකාරියේ පළාත් කාර්යාලයකින් හෝ දිස්ත්‍රික් කාර්යාලයකින් සිදු කෙරෙන අතර “ඇ” කාණ්ඩය යටතේ වර්ගීකරණය කරන ලද කර්මාන්ත සඳහා පාරිසරික ආරක්ෂණ බලපත්‍ර නිකුත් කිරීම අදාල පළාත් පාලන ආයතනය මගින් ද සිදුකෙරේ.
“ඇ” කාණ්ඩය යටතේ වර්ගීකරණය කරන ලද කර්මාන්ත සඳහා පාරිසරික ආරක්ෂණ බලපත්‍රය ලබා දීමේ බලතල 2008.02.14 වන දින සිට පළාත් පාලන ආයතනයන්ට (මහ නගර සභා, නගර සභා, ප්‍රාදේශීය සභා) පවරා ඇත.
පාරිසරික ආරක්ෂණ බලපත්‍රය සඳහා අයදුම් කිරීමේ ක්‍රියාවලිය
පරිසර ආරක්ෂණ බලපත්‍ර අයදුම්පත 2008.02.01 දිනැති අංක 1534/18 දරණ ගැසට් නිවේදනයේ ප්‍රකාශයට පත් කර ඇත. අයදුම්පත මධ්‍යම පරිසර අධිකාරියේ ප්‍රධාන කාර්යාලය, පළාත් හා දිස්ත්‍රික් කාර්යාල වලින් ලබාගත හැකී අතර මධ්‍යම පරිසර අධිකාරියේ වෙබ් අඩවියෙන්ද (www.cea.lk) අයදුම්පත බාගත කළ හැක.
එක් එක් කර්මාන්ත ක්‍රියාවලි සඳහා සම්පූර්ණ කරන ලද අයදුම්පත්‍ර, පහත සඳහන් ලිපි ලේඛන සමඟ මධ්‍යම පරිසර අධිකාරියෙහි අදාල පළාත් / දිස්ත්‍රික් කාර්යාල හෝ අදාල පළාත් පාලන ආයතනය වෙත කර්මාන්ත ක්‍රියාවලිය ආරම්භයට දින 30කට පෙර ඉදිරිපත් කළ යුතුය.
පාරිසරික ආරක්ෂණ බලපත්‍රයක් ලබා දීමට ඇති අවශ්‍යතාව, අයදුම්පතෙහි දක්වා ඇති තොරතුරු වල ඇති නිරවද්‍යතාව සහ අයකළ යුතු පරීක්ෂණ ගාස්තුව තීරණය කිරීම සඳහා මධ්‍යම පරිසර අධිකාරියේ අදාල පළාත් සහ දිස්ත්‍රික් කාර්යාල හෝ පළාත් පාලන ආයතනය මගින් අයදුම්පත පූර්ව පරීක්ෂාවකට ලක් කරනු ලැබේ.
අයකළ යුතු පරීක්ෂණ ගාස්තුව තීරණය කිරීම
- කර්මාන්තහිමියා විසින් සපයා ඇති තොරතුරු මත පදනම්ව මධ්‍යම පරිසර අධිකාරියේ අදාල පළාත් සහ දිස්ත්‍රික් කාර්යාල හෝ පළාත් පාලන ආයතන මගින් අයකළ යුතු පරීක්ෂණ ගාස්තුව තීරණය කර අදාල කර්මාන්තහිමියා වෙත ලිපියකින් දන්වනු ලැබේ. දැනට අවම ගාස්තුව රුපියල් 3472.22ක් වන අතර උපරිම ගාස්තුව රුපියල් 23009.26කි. (මේ සඳහා රජයේ අනුමත බදු ඇතුලත් විය යුතුය.)
- එසේ නියම කරනු ලබන ගාස්තුව, කර්මාන්තහිමියා විසින් මධ්‍යම පරිසර අධිකාරියෙහි ප්‍රධාන කාර්යාලය වෙත හෝ අදාල පළාත් කාර්යාලය හෝ දිස්ත්‍රික් කාර්යාලය වෙත හෝ පළාත් පාලන ආයතනය වෙත හෝ ගෙවා ලදුපතක් ලබා ගත යුතුයි.
- එම ලදුපත අදාල පළාත් කාර්යාලය හෝ දිස්ත්‍රික් කාර්යාලය වෙත හෝ පළාත් පාලන ආයතනය වෙත ඉදිරිපත් කළයුතුයි.
ක්ෂේත්‍ර පරීක්ෂාව, නිර්දේශ සහිත පරීක්ෂණ වාර්තාව
ක්ෂේත්‍ර පරීක්ෂණ ගාස්තුව ගෙවු ලදු පත අදාළ පළාත් / දිස්ත්‍රික් කාර්යාලය හෝ පළාත් පාලන ආයතනය වෙත ලැබුණු පසු කර්මාන්තය සම්බන්ධයෙන් අයදුම්පතෙහි සපයා ඇති තොරතුරු පරීක්ෂා කිරීමටත්, පරිසර දූෂණය පාලනය කර ගනිමින් එවැනි කර්මාන්තයක් පවත්වාගෙන යාමේ හැකියාව තීරණය කිරීමටත් නිලධාරීන් කණ්ඩායමක් විසින් ක්ෂේත්‍ර පරීක්ෂාවක් සිදු කරනුලැබේ.
කර්මාන්තය සම්බන්ධයෙන් සිදුකළ ක්ෂේත්‍ර පරීක්ෂණ තොරතුරු, අයදුම්කරුවිසින් සපයා ඇති තාක්ෂණික වාර්තා සහ සමාජයීය කරුණු මත පදනම්ව පරීක්ෂණ කණ්ඩායම විසින් ඔවුන්ගේ නිර්දේශ ඇතුළත් ක්ෂේත්‍ර පරීක්ෂණ වාර්තාව සම්පාදනයකරනු ලැබේ.
“අ”, “ආ” කාණ්ඩ යටතේ වර්ගීකරණය කරන ලද කර්මාන්ත සඳහා
එම වාර්තාව මගින් අදාල ක්ෂේත්‍රය අනුමත කර තිබේ නම්, මීළඟ පියවර වෙත යොමු කෙරේ.
පරීක්ෂණ වාර්තාව මගින් පරිසර දූෂණය සිදුවීම පාලනය කිරීම සඳහා තව දුරටත් අමතර යෝජනා ඉදිරිපත් කළ යුතු බව දක්වා තිබේ නම්, එවැනි නිර්දේශ සපුරාලන ලෙස අයදුම්කරුට ලිඛිතව දන්වනු ලැබේ. දෙවනුව ඉදිරිපත් කෙරෙන නිර්දේශ පරීක්ෂණ වාර්තාව සමග සැසඳේ නම්, මීළඟ පියවර වෙත යොමු කෙරේ.
බලපත්‍රයක් ලබාදීම ප්‍රතික්ෂේප කිරීමට පරීක්ෂණ වාර්තාව මගින් නිර්දේශ වී තිබේ නම්, ඒ බව අයදුම්කරුට ලිඛිතව දන්වනු ලැබේ.
මධ්‍යම පරිසර අධිකාරිය මගින් අයදුම්කරුවෙකුට බලපත්‍රයක් ලබාදීම ප්‍රතික්ෂේප කිරීමට විරුද්ධව ජාතික පාරිසරික පනතට අනුව, එම අයදුම්කරුට/අයදුම්කාරියට පරිසර විෂය භාර අමාත්‍යාංශයේ ලේකම්වරයා වෙත අභියාචනයක් ඉදිරිපත් කළ හැකිය. එම අභියාචනය, අදාල බලපත්‍රය ලබාදීම ප්‍රතික්ෂේප කර දන්වා එවනු ලැබූ දින සිට දින තිහක (30) කාලයක් ඇතුළත ඉදිරිපත් කළ යුතුය.
“ඇ” කාණ්ඩ යටතේ වර්ගීකරණය කරන ලද කර්මාන්ත සඳහා,
ක්ෂේත්‍ර පරීක්ෂණ වාර්තාව අදාල පළාත් පාලන ආයතනයේ තාක්ෂණික ඇගැයීම් කමිටුව වෙත යොමු කරනු ලැබේ.
මෙම තාක්ෂණික කමිටුව, පාරිසරික ආරක්ෂණ බලපත්‍ර නිකුත් කිරීමේ ක්‍රියාවලිය සම්බන්ධයෙන් අදාල පළාත් පාලන ආයතනය වෙත උපදෙස් ලබා දීම සඳහා එම කාර්යාලයෙන්ම පත්කරන ලද ස්වාධීන ඇගැයීම් කමිටුවකි. මෙහි ලේකම් ධූරය, මධ්‍යම පරිසර අධිකාරිය විසින් අදාල පළාත් පාලන ආයතනය වෙත පත්කරන ලද ප්‍රාදේශීය පරිසර නිලධාරියා විසින් හොබවනු ලැබේ.
තාක්ෂණික ඇගැයීම් කමිටුව
පරීක්ෂණ කණ්ඩායම විසින් යොමු කරන ලද පරීක්ෂණ වාර්තාව සහ අදාල කර්මාන්තය හා සම්බන්ධ ලිපි ලේඛන ආදිය මත පදනම්ව තාක්ෂණික ඇගැයීම් කමිටුව විසින් ඔවුන්ගේ නිර්දේශ ඉදිරිපත් කරනු ලැබේ.
ඇතැම් විටෙක තාක්ෂණික ඇගැයීම් කමිටුව විසින්ම ක්ෂේත්‍ර පරීක්ෂාවක් සිදුකිරීමට තාක්ෂණික ඇගැයීම් කමිටුව නිර්දේශ කිරීමට ඉඩ ඇත. තාක්ෂණික ඇගැයීම් කමිටු වාර්තාව මත පදනම්ව ඉදිරි පියවර ගැනීම සිදු කරනු ලැබේ.
තාක්ෂණික ඇගැයීම් කමිටුව මගින් පරිසර දූෂණය සිදුවීම පාලනය කිරීම සඳහා තවදුරටත් අමතර යෝජනා ඉදිරිපත් කළ යුතු බව නිර්දේශ කර තිබේ නම් එවැනි යෝජනා ඉදිරිපත් කරන ලෙස අයදුම්කරුට ලිඛිතව දන්වනු ලැබේ. දෙවනුව ඉදිරිපත් කෙරෙන නිර්දේශ මත අයදුම්පත මිළඟ පියවර වෙත යොමු කිරීම තීරණය වේ.
බලපත්‍රයක් ලබාදීම ප්‍රතික්ෂේප කිරීමට තාක්ෂණික ඇගැයීම් කමිටුව මගින් නිර්දේශ කර තිබේ නම්, ඒ බව අයදුම්කරුට ලිඛිතව දන්වනු ලැබේ.
පළාත් පාලන ආයතනයකින් හෝ කාර්යාලයකින් අයදුම්කරුවෙකුට බලපත්‍රයක් ලබාදීම ප්‍රතික්ෂේප කිරීමට විරුද්ධව ජාතික පාරිසරික පනතට අනුව, එම අයදුම්කරුට/අයදුම්කාරියට පරිසර විෂය භාර අමාත්‍යාංශයේ ලේකම්වරයා වෙත අභියාචනයක් ඉදිරිපත් කළ හැකිය. එම අභියාචනය, අදාල බලපත්‍රය ලබා දීම ප්‍රතික්ෂේප කර දන්වා එවනු ලැබූ දින සිට දින තිහක (30) කාලයක් ඇතුළත ඉදිරිපත් කළ යුතුය.
පාරිසරික ආරක්ෂණ බලපත්‍රයක් ලබා දීම අනුමත කිරීම
“අ”,“ආ” කාණ්ඩ යටතේ වර්ගීකරණය කරන ලද කර්මාන්ත සඳහා,මධ්‍යම පරිසරඅධිකාරියේ බලයලත් නිලධාරීන් විසින් පරීක්ෂණ කණ්ඩායම් වාර්තාව මත පදනම්ව පාරිසරික ආරක්ෂණ බලපත්‍රයක් ලබා දීම අනුමත කරනු ලැබේ.අනතුරුව මධ්‍යම පරිසර අධිකාරියේ නීති අංශය මගින් පාරිසරික ආරක්ෂණ බලපත්‍රයේ දක්වා ඇති කරුණු සඳහා නීතිමය අනුමැතිය ලබාදෙනු ලැබේ.
“ඇ” කාණ්ඩ යටතේ වර්ගීකරණය කරන ලද කර්මාන්ත සඳහා, මධ්‍යම පරිසර අධිකාරියේ බලයලත් නිලධාරියා විසින් තාක්ෂණික ඇගැයීම් කමිටුවේත්, පරීක්ෂණ කණ්ඩායමේත් නිර්දේශ මත පදනම්ව පාරිසරික ආරක්ෂණ බලපත්‍රයක් ලබා දීම අනුමත කරනු ලැබේ.
බලපත්‍ර ගාස්තු
නීතිමය අනුමැතිය ලැබුණු පසු පාරිසරික ආරක්ෂණ බලපත්‍රයක් නිකුත් කිරීම සඳහා මධ්‍යම පරිසර අධිකාරිය වෙත බලපත්‍ර ගාස්තු ගෙවන ලෙස කර්මාන්ත හිමියාහට දන්වනු ලැබේ.
බලපත්‍ර ගාස්තු විස්තර
(මේ සඳහා රජයේ අනුමත බදු ඇතුලත් විය යුතුය.)
පාරිසරික ආරක්ෂණ බලපත්‍රයක් නිකුත් කිරීම
බලපත්‍ර ගාස්තු ගෙවනු ලැබූ පසු බලයලත් නිලධාරියෙකුගේ අත්සන සහිතව පාරිසරික ආරක්ෂණ බලපත්‍රය පෙර දැක්වූ කාලසීමා වලට යටත්ව නිකුත් කරනු ලැබේ. (“අ” ලේඛනය - අවුරුදු 1; “ආ” හා “ඇ”-ලේඛන - අවුරුදු 3)
පාරිසරික ආරක්ෂණ බලපත්‍රය අලුත් කිරීමේ ක්‍රියාවලිය
ශ්‍රි ලංකා ආයෝජන මණ්ඩලයේ ලියාපදිංචි නොවූ කර්මාන්ත ක්‍රියාකාරකම් සඳහාවන පාරිසරික ආරක්ෂණ බලපත්‍රය අලුත් කිරීමේ ක්‍රියාවලිය (“අ”,“ආ”හා “ඇ”කාණ්ඩසඳහා)
අයදුම් කිරීමේ ක්‍රියාවලිය
පාරිසරික ආරක්ෂණ බලපත්‍ර අලුත්කිරීමේ අයදුම්පත 2008.02.01 දිනැති අංක 1534/18 දරණ ගැසට් නිවේදනයේ ප්‍රකාශයට පත් කර ඇත.
සම්පූර්ණ කරන ලද අයදුම්පත් අදාල පළාත් හෝ දිස්ත්‍රික් කාර්යාල වෙත හෝ අදාල පළාත් පාලන ආයතන වෙත හෝ ඉදිරිපත් කළ යුතුය.
ක්ෂේත්‍ර පරීක්ෂාව
පාරිසරික ආරක්ෂණ බලපත්‍රයේ සඳහන් කොන්දේසි උල්ලංඝණය කර ඇති බවක් නිරීක්ෂණය වුව හොත්, අයදුම්කරු/කර්මාන්ත හිමියා හට පරිසර දූෂණය පාලනය කිරිම සඳහා අවශ්‍ය පියවර ගන්නා ලෙස දන්වනු ලැබේ.බලපත්‍ර ගාස්තු
බලපත්‍ර අලුත් කරවා ගැනිම සඳහා ගෙවිය යුතු ගාස්තුව ප්‍රථමයෙන් බලපත්‍රයලබා ගැනීම සඳහා වූ ගාස්තු ප්‍රමාණයම අදාල වේ. තවද, වලංගු කාලය අදාල බලපත්‍රයේ දක්වා ඇත.
බලපත්‍ර ගාස්තු ගෙවීමෙන් පසු පාරිසරික ආරක්ෂණ බලපත්‍රය නිකුත් කිරීම පිළිබඳව සලකා බලනු ලැබේ.
කර්මාන්ත/ නියමිත කටයුතු සඳහා වන පසුවිපරම් කටයුතු
පසුවිපරම් කටයුතු සිදු කිරීමට අදාල ප්‍රධාන අරමුණු පහත සඳහන් පරිදි වේ.
1. 1. කර්මාන්තය/ව්‍යාපාරය තුළ ස්ථාපනය කර ඇති පරිසර දූෂණය පාලනය කිරීමේ කටයුතු/ ක්‍රමවේදය මනාව සිදුවන්නේදැයි පරීක්ෂා කිරීම
2. අදාල කර්මාන්තය/ ව්‍යාපාරය, පාරිසරික ආරක්ෂණ බලපත්‍රයේ සඳහන් කොන්දේසි වලට අනුගතව කටයුතු කරන්නේදැයි පරීක්ෂා කිරීම
3. 3.කර්මාන්ත ක්‍රියාවලියෙහි යම් වෙනසක්, වැඩි දියුණු කිරීමක් හෝ නවීකරණයක් සිදුවී තිබේදැයි පරීක්ෂා කිරීම යන කටයුතු පසුවිපරම් කටයුතු වශයෙන් සිදු කෙරෙනු ලැබේ.
විමර්ශන කටයුතු සිදු කිරීම
1. කර්මාන්ත, නියමිත කාල පරාසයන්හි දී පරීක්ෂාවට ලක් කිරීම
2. 2.පරිසර දූෂණ පාලනය කිරීමේ ක්‍රියාදාමයෙහි කාර්යක්ෂමතාවය සහතික කිරීම.
මෙම කටයුතු සඳහා අනුමත රසායනාගාරයක් මගින් නියමිත කාල පරාසයන් තුළ දී අදාල වාර්තා ලබා ගැනීමට කටයුතු කරන ලෙස කර්මාන්ත/නියමිත කටයුතු හිමිකරුට උපදෙස් ලබා දෙනු ලැබේ. . එසේම එම උපදෙස් පාරිසරික ආරක්ෂණ බලපත්‍රයේ ද දක්වා තිබේ.
කර්මාන්ත වලට විරුද්ධව නීතිමය පියවර ගැනීමේ ක්‍රියාවලිය
ජාතික පාරිසරික පනතෙහි IV-අ කොටසේ දැක්වෙන පරිදි නීතිමය කටයුතු ආරම්භ කිරීම පහත දැක්වෙන අවස්ථා වල දී සිදු කෙරේ.
කර්මාන්තහිමියා විසින් දිගින් දිගටම පාරිසරික ආරක්ෂණ බලපත්‍රයෙහි කොන්දේසි උල්ලංඝණය කරන්නේ නම් නීතිමය පියවර ගනු ලැබේ.
නීතිමය ක්‍රියාමාර්ග වල දී පහත දැක්වෙන පියවර ගනු ලැබේ.
ශ්‍රි ලංකාආයෝජන මණ්ඩලයට අයත් අපනයන පිරිසැකසුම් කලාප සම්බන්ධයෙන් ඉදිරිපත් වන මහජන පැමිණිලි විමර්ශනය කිරීම සහ අවශ්‍ය උපදෙස් ලබා දීම.
ජාතික පාරිසරික පනත උල්ලංඝණය කරමින් අධික ශබ්දය/ කම්පනය උත්පාදනය කිරීම, අපජලය අක්‍රමවත් ලෙස බැහැර කිරීම, වායු දූෂණය සිදු කිරීම, ඝන සහ විනාශකාරි අපද්‍රව්‍ය උත්පාදනය ආදී පරිසර දූෂණ තත්ත්ව/ පාරිසරික ගැටළු මධ්‍යම පරිසර අධිකාරිය වෙත යොමු කළ හැකි යි.
එවැනි මහජන පැමිණිලිපහත ලිපිනයන් වෙත යොමු කළ හැකියි.
අධ්‍යක්ෂිකා (පැමිණිලි ඒකකය)
මධ්‍යම පරිසර අධිකාරිය.
දුරකථන: 011 2888999
Central Environmental Authority has released a stamp for...
තවදුරටත් කියවන්න
වාර්ෂික ක්‍රියාකාරී සැලැස්මට අනුව ජ්‍යෙෂ්ඨ පරිසර...
තවදුරටත් කියවන්න
According to the annual action plan the first and second...
තවදුරටත් කියවන්න
මධ්‍යම පරිසර අධිකාරියේ යාවජීව සේවයක නිරතව සිටි නිලධාරීන්...
තවදුරටත් කියවන්න
The CEA functions its processes under the provisions of...
තවදුරටත් කියවන්න
මධ්‍යම පරිසර අධිකාරිය
104, ඩෙන්සිල් කොබ්බෑකඩුව මාවත,
බත්තරමුල්ල,
ශ්‍රී ලංකා.
දූරකථන: 011-2872419,011-2872278,011-2873447,011-2873448
ක්ෂණික ඇමතුම්: 011-2888999
© 2013 Copyright Central Environmental Authority - Sri Lanka.All rights Reserved.
Solution by: 
