SinhalaSriLankaEnglish (UK)

ඉඩම්, ඉඩම් සංවර්ධන, පරිසර හා වනජීවී සම්පත් ගරු අමාත්යි එස්. එම් එස් එම් චන්ද්‍රසේන මැතිතුමාගේ පණිවුඩය

වේගයෙන් සිදුවන කාලගුණික හා දේශගුණික විපර්යාස, ගෝලීය උණුසුම ඉහළ යාම, වනාන්තර හා ජෛව විවිධත්ව හායනය, තෙත්බිම්, සංවේදී පරිසර පද්ධති විනාශය, ගංවතුර, නායයෑම, නියගය, ජල දූෂණය, කෘෂි රසායන හා පස දූෂණය, වායු දූෂණය, ඛනිජ සම්පත් කළමනාකරණය, කාර්මික දූෂණය, පොලිතින් - ප්ලාස්ටික් අවභාවිතය, ඝණ අපද්‍රව්‍ය කළමනාකරණ ගැටළුව, ආහාර රටාවේ ගැටළු හා ආහාර සුරක්ෂිතතාව, ඩෙංගු වැනි වසංගත රෝග ව්‍යාප්තිය අප හමුවේ ඇති කැපී පෙනෙන පාරිසරික, සෞඛ්‍ය හා සමාජමය ගැටලු ලෙස හඳුනාගත හැකිය.

නූතන පාරිසරික ගැටලු ප‍්‍රදේශයකට, පළාතකට, රටකට, කලාපයකට පමණක් සීමා වුවක් නොවන අතර ඒවායේ ගෝලීය ස්වභාවයක් ද දැකිය හැකිය. විවිධ බටහිර සංවර්ධන ආකෘති හේතුවෙන් මෙම පාරිසරික ගැටලු අභියෝගාත්මක ලෙස මතුව තිබේ. මෙම යථාර්ථය හමුවේ අපේ පැරැන්නන් ද අනුදත් සංවර්ධන ප‍්‍රවේශය වී ඇත්තේ පරිසර හිතකාමී සහජීවන දහමයි. නූතන අර්ථකථනයෙන් තිරසර සංවර්ධනයයි.

තිරසර සංවර්ධනය උදෙසා වනදැක්ම වන්නේ අනාගත පරම්පරාවල අවශ්‍යතා සඳහා යොදා ගැනීමට බාධා නොවනඅයුරින් වර්තමාන අවශ්‍යතා සඳහා පරිසර සම්පත් භාවිතයට ගැනීමයි.ඒ අනුවතිරසර සංවර්ධනයේ දී ආර්ථික සංවර්ධනය, සමාජීය සමානාත්මතාවය, පරිසර සංරක්ෂණයහා ආධ්‍යාත්මික සංවර්ධනය යන අංශ තුලනාත්මකව පවත්වා ගැනීම අපේක්ෂා කරයි.

වත්මන් “රට හදන - සෞභාග්‍යයේ දැක්ම ප්‍රතිපත්ති ප්‍රකාශනයේ ද පරිසර සංරක්ෂණය හා තිරසර සංවර්ධන අභිමතාර්ථ සාධනයට දැඩි කැපවීමක් පෙන්වා ඇති බැවින් රජය ප්‍රමුඛව අප අමාත්‍යාංශයේ ද අප සැමගේ ද වගකීම වන්නේ එම අරමුණු සාධනය කර ගත හැකි පරිදි සංවර්ධන ආකෘතීන් හා වැඩසටහන් සකසා නිසි නියාමනයකින් යුක්තව ක්‍රියාත්මක කිරීමයි. පොදු මනුෂ්‍යාගේ සුබ සිද්ධිය වෙනුවෙන් තිරසර සංවර්ධනය උදාකර ගැනීම සඳහා පාරිසරික නියාමන කාර්යයන් සිදු කරමින් මධ්‍යම පරිසර අධිකාරිය දක්වන කැපවීම වෙසෙසින් අගය කරමි.

එස් එම් චන්ද්‍රසේන

ගරු ඉඩම්, ඉඩම් සංවර්ධන, පරිසර හා වනජීවී සම්පත් අමාත්‍ය

Friday, 13 December 2019 05:37 ஆம் திகதியில் இறுதியாக இற்றைப்படுத்தப்பட்டவாறு

infoacttam

oilP

weerawilatam

 

செய்திகள் மற்றும் நிகழ்வுகள்

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13